Adityastotram In Bengali
॥ আদিত্যস্তোত্রম্ ॥
শ্রীগণেশায় নমঃ ।
নবগ্রহাণাং সর্বেষাং সূর্যাদীনাং পৃথক্ পৃথক্ ।
পীডা চ দুঃসহা রাজঞ্জায়তে সততং নৃণাম্ ॥ ১॥পীডানাশায় রাজেন্দ্র নামানি শৃণু ভাস্বতঃ ।
সূর্যাদীনাং চ সর্বেষাং পীডা নশ্যতি শৃণ্বতঃ ॥ ২॥আদিত্য সবিতা সূর্যঃ পূষার্কঃ শীঘ্রগো রবিঃ ।
ভগস্ত্বষ্টাঽর্যমা হংসো হেলিস্তেজো নিধির্হরিঃ ॥ ৩॥দিননাথো দিনকরঃ সপ্তসপ্তিঃ প্রভাকরঃ ।
বিভাবসুর্বেদকর্তা বেদাঙ্গো বেদবাহনঃ ॥ ৪॥হরিদশ্বঃ কালবক্ত্রঃ কর্মসাক্ষী জগত্পতিঃ ।
পদ্মিনীবোধকো ভানুর্ভাস্করঃ করুণাকরঃ ॥ ৫॥দ্বাদশাত্মা বিশ্বকর্মা লোহিতাঙ্গস্তমোনুদঃ ।
জগন্নাথোঽরবিন্দাক্ষঃ কালাত্মা কশ্যপাত্মজঃ ॥ ৬॥ভূতাশ্রয়ো গ্রহপতিঃ সর্বলোকনমস্কৃতঃ ।
সঙ্কাশো ভাস্বানদিতিনন্দনঃ ॥ ৭॥ ??
ধ্বান্তেভসিংহঃ সর্বাত্মা লোকনেত্রো বিকর্তনঃ ।
মার্তণ্ডো মিহিরঃ সূরস্তপনো লোকতাপনঃ ॥ ৮॥জগত্কর্তা জগত্সাক্ষী শনৈশ্চরপিতা জয়ঃ ।
সহস্ররশ্মিস্তরণির্ভগবান্ভক্তবত্সলঃ ॥ ৯॥বিবস্বানাদিদেবশ্চ দেবদেবো দিবাকরঃ ।
ধন্বন্তরির্ব্যাধিহর্তা দদ্রুকুষ্ঠবিনাশনঃ ॥ ১০॥চরাচরাত্মা মৈত্রেয়োঽমিতো বিষ্ণুর্বিকর্তনঃ ।
কোকশোকাপহর্তা চ কমলাকর আত্মভূঃ ॥ ১১॥নারায়ণো মহাদেবো রুদ্রঃ পুরুষ ঈশ্বরঃ ।
জীবাত্মা পরমাত্মা চ সূক্ষ্মাত্মা সর্বতোমুখঃ ॥ ১২॥ইন্দ্রোঽনলো য়মশ্চৈব নৈরৃতো বরুণোঽনিলঃ ।
শ্রীদ ঈশান ইন্দুশ্চ ভৌমঃ সৌম্যো গুরুঃ কবিঃ ॥ ১৩॥শৌরির্বিধুন্তুদঃ কেতুঃ কালঃ কালাত্মকো বিভুঃ ।
সর্বদেবময়ো দেবঃ কৃষ্ণঃ কায়প্রদায়কঃ ॥ ১৪॥য় এতৈর্নামভির্মর্ত্যো ভক্ত্যা স্তৌতি দিবাকরম্ ।
সর্বপাপবিনির্মুক্তঃ সবর্রোগবিবর্জিতঃ ॥ ১৫॥পুত্রবান্ ধনবান্ শ্রীমাঞ্জায়তে স ন সংশয়ঃ ।
রবিবারে পঠেদ্যস্তু নামান্যেতানি ভাস্বতঃ ॥ ১৬॥পীডাশান্তির্ভবেত্তস্য গ্রহাণাং চ বিশেষতঃ ।
সদ্যঃ সুখমবাপ্নোতি চায়ুর্দীর্ঘং চ নীরুজম্ ॥ ১৭॥
ইতি শ্রীভবিষ্যপুরাণে আদিত্যস্তোত্রং সম্পূর্ণম্ ।
