Sri Indrakshi Devi Strotam
इन्द्राक्षी स्त्रोतम
इन्द्राक्षी नाम सा दैवी दैवतै: समुदा-हृता ।
गौरी शाकम्भरी देवी दुर्गा-नाम-नीती विश्रुता ।।
कात्यायनी महादेवी चन्द्रघण्टा महातपा: ।
सावित्रि सा च गायत्री ब्रह्माणी ब्रह्म-वादिनी ।।
नारायणी भद्रकाली रुद्राणी कृष्ण – पिंगला ।
अग्नि ज्वाला रौद्रमुखी कालरात्री तपस्विनी ।।
मेघ – स्वना सहस्त्राक्षी विकटांगी जलोदरी ।
महोदरी मुक्तकेशी घोररुपा महाबला ।।
अजिता भद्रदाSSनन्दा रोगहर्त्री शिव – प्रिया ।
शिवदूती कराली च प्रत्यक्ष परमेश्वरी ।।
इन्द्राणी इन्द्ररुपा च इन्द्रशक्ति: परायणा ।
सदा सम्मोहिनी देवी सुन्दरी भुवनेश्वरी ।।
एकाक्षरी परा ब्राह्मी स्थूल सूक्ष्म प्रवर्तिनी ।
नित्यम सकल कल्याणी भोग मोक्ष प्रदायिनी ।।
महिषासुर संहर्त्री चामुण्डा सप्त मातृका ।
वाराही नारसिंही च भीमा भैरव नादिनी ।।
श्रुति: स्मृति-र्धृति-र्मेधा विद्या लक्ष्मी: सरस्वती।
अनन्ता विजयापर्णा मानस्तोका – पराजिता ।।
भवानी पार्वती दुर्गा हैमवत्यम्बिका शिवा ।
शिवा भवानी रुद्राणी शंकरार्द्ध – शरीरिणी ।।
ऐरावत – गजारुढा वज्र हस्ता वरप्रदा ।
भ्रामरी कान्चि – कामाक्षी क्वणन्माणिक्य-नूपुरा।।
त्रिपाद – भस्म – प्रहरणा त्रिशिरा रक्तलोचना।
शिवा च शिवरुपा च शिव-भक्ति परायणा ।।
मृत्युन्जया महामाया सर्व रोग निवारिणी।
ऐन्द्री देवी सदा कालम शान्तिमाशु करोतु मे।।
भस्मा-युधाय विद्महे-रक्त-नेत्राय धीमहि तन्नो-ज्वर-हर: प्रचोदयात्।
एतत् स्तोत्रम जपेन्नित्यम सर्व – व्याधि – निवारणम् ।
रणे राजभये शौर्ये सर्वत्र विजयी भवेत् ।।
एतैर्नाम – पदैर्दिव्यै: स्तुता शक्रेण धीमता ।
सा मे प्रीत्या सुखम दद्यात् सर्वापत्ति-निवारिणी।।
ज्वरम भूतज्वरम चैव शीतोष्ण-ज्वरमेव च।
ज्वरम ज्वरातिसारम च अतिसार-ज्वरम हर ।।
शत-मावर्तयेद् यस्तु मुच्यते व्याधि-बन्धनात् ।
आवर्तयन् सहस्त्रम तु लभते वाञ्छितम फलम् ।।
एतत्स्तोत्र-मिदम पुण्यम जपेदायुष्य-वर्द्धनम् ।
विनाशाय च रोगाणामप-मृत्यु-हराय च।।
सर्व मंगल मांगल्ये शिवे सर्वार्थ – साधिके ।
शरण्ये त्र्यम्बके देवि नारायणि नमोSस्तु ते।।
Read Also- शनिवज्रपञ्जरकवचम्
